La mujer del Llagu

CRONICA DE RUSECU

(20-7-12)

Desd’el pueblín cereceru…

Eso de que hasta el cuarenta de mayu non quites el sayu… sería antiguamente, porque resulta que hoy es ochenta y unu de mayu, y tovía non jomos capaces de quitar la chaqueta. Que algunos días, sobre tou pe la noche, jaz un fríu… (Vamos a dicilo finu) que te haces deposición líquida pe las patas abaju.

Ahora, si vos digo, que prefiero estar así que con la lléngua juera del calor como andan pel restu del país, que paecen al mio perru cuando vien escapáu.

Pasó ya el Carmen y Santa Marina, ahora vien la semana esa tocha onde hay fiesta to los dies, que si la Madalena, que si Santiago, que si Santana…

Las fiestas de prau son la cara amable d’estos días, d’otra manera los ánimos están bastante bajos dada la situación que vivimos en España por lo que se avecina. Subida del IVA, recortes… pero hoy no voy a jablar de política, no mi apetez, qu’ estamos ya jartos de que siempre sangren a los mismos.

QUELYLLADAS: LA MUJER DEL LLAGU

Todos los que conociestes a mio padre, sabés qu’era un gran cuntador de cuentos y de historias. A nos, teníanos siempre embobaos cara pa elli y dilataba tou lo que podía el final, pa qu’estuvieramos emocionaos esperando a ver como acababa lo que nos estuviera cuntando.

Hoy vino a veme Món, el mio vecinu. Charlando y charlando, acordose de mio padre y dicía que era un hombre muy sensible y un gran cuenta cuentos. Diz que una vez cunto-y mio padre una cosa que pasó aquí en Rusecu y que nunca se-y olvidó. Yo, la verdá, que no tuvi el placer de oilu cuntala, pero hoy, a través de las palabras de Món, imaginé, papá, que te tenía delante y que mi cuntabas esta historia real que sucedió aquí, n’esti pueblu.

Diz qu’era una muyer que vivía ahí en LLagu y que tenía tres jiyos. Dos d’ellos iban siempre a trabayar a una teyera a Castilla, y al otru lu mandaren a la guerra del África.

Esti últimu, cuando ya llevaba bastante tiempu juera, llego-y a la madre una notificiación de que se había muertu, de que lu habían matáu ena guerra.

Me imagino que aquella muyer lloraría y penaría lo que cualquier madre ena misma situación, y encima, sin un cadáver que velar, ni una tumba onde llevar flores.

Pasó el tiempu, no sé cuantu sería, y los otros dos jiyos siguieren yendo a trabayar a la teyera de siempre y cuando ya se iba a acabar la temporada, llegó allí el hermanu, al que creían muertu en África.

Los hermanos no podían creer qu’estuviera vivu después de tener asimiláu que lu habían matáu. Me imagino que aquel momentu sería increíble.

Esperó unos díes a que los hermanos acabaran el trabayu de la teyera y vinieren los tres caminando p’Asturias, pa Rusecu.

La madre, ya sabiendo el día que los dos jiyos llegarían, se asomaba cada pocu a la Llosa’l Cantón pa ver si los vía subir pe la Pedraya arriba o Camín de Juentes. En una d’esas que se asomó, los vio venir, y creyó morise cuando se percató de que no venían dos, sino los tres y joise a esperalos a casa.

Los teyeros, temiendo el sustu que iba a llevar la madre, mandaren-y al hermanu que se quedara atrás y que ellos dos irían primero pa explica-y lo que había pasáu, porque tenían miedu de que-y pasara algo si lu vía llegar asina, de repente.

Llegaren a casa y después de saludar a la madre tras tantos meses d’estar ena teyera, díjo-yos ella:

- ¿Non sabés lo que pasó? Que me asomé a la Llosa’l Cantón a ver si veníes y cuando vos vi subir, dime cuenta de que detás de vos venía… ¡el espíritu de vuestru hermanu muertu!

Entonces los rapaces explicaren-y a la madre la verdá de lo que había vistu, la verdá de lo que había pasáu y reencontrose con el jiyu que creía que no iba a ver nunca más.

Diz Món, que-y cuntó mio padre, que aquella misma noche se morió la madre de los tres rapaces, y que la gente de Rusecu, los que vivieren en aquella época, siempre cuntaren, que se había muertu… de la emoción.

Y aquí acaba esta historia, que pasó en Llagu y que yo nunca había oidu. Gracias por cuntámila.

Salud y buen veranu.