Los días de la vieya

Dizse, que hay una leyenda, que cunta, que había una vieya que echaba la vida pel monte con las oveyas, con las cabras y con las vacas.

La paisanina pasaba malos inviernos porque nevaba cada pocu y no se arreglaba bien con los animales.

Un día, no se sabe como, podió jablar con un ser superior que era el que movía los hilos del tiempu, el que mandaba las tormentas, las nevadas, los vientos y tamién los días güenos de sol.

Depués de munchu jablar, la vieya llegó a un acuerdu con aquel ser, los inviernos vendrían mejores pa que ella no lo pasara tan mal pel monte, pero los últimos días de febrero y los primeros de marzo nevaría siempre.

Y así fue d'aquella p'acá, los inviernos vienen mejores, pero cuando hay riesgu de nevada, son los últimos días de febrero y los primeros de marzo, y esos días son los que se llaman en Asturias, LOS DÍAS DE LA VIEYA.

Ahora estamos en esos días, y por eso nevó. Hoy s'acaba el mes más cortu del añu y mañana.... EL ANGEL EN MAZUCU!!!

Felcidades a todos los Angel y Angeles. A poner cuatro o cinco jersés y pal Mazucu a echar un baile.