LAS FOTOS DE CARNÉ

A cuenta d'una foto en blancu y negru que vos colgué el otru día onde salo yo de chica, salió el tema del difuntu Guijarro, con Mari Sol, Ana Rosa y Antonio Alonso en los comentarios que podés ver debaju de dicha semeya.

Pa los jóvenes debe de sonayos a ciencia ficción si yos digo que el sacar una foto no era como ahora, que ti la dan d'aquella mismu, ni que dicir de las cámaras digitales, que ves la foto n'esi mismu instante y si no ti gusta pues la borr

as y nunca más t'acuerdas de que aquello pasó.

Pero antes no, mio jiyos, antes bajábamos a Posada, íbamos a la tienda de Guijarro y dicías que querías jacer unas fotos de carné y elli subíate per una escalera de madera al pisu d'arriba, que metía miedu a un atrevidu aquella escalera, porque además tou lo tenía a media luz con bombillas yo creo que serian de 25 o a tou más de 40W, que yo creo que la película de viernes 13 grabose alli....

En fin, que un día fue mio güelu a sacar las fotos pal carné y dijo-y Guijarro que fuera a buscalas a la semana siguiente, porque como vos digo, antes el procesu d'una foto duraba más que un traje pana.

Total, que a la semana joi mio güelu a por las fotos y sacó-y la carpeta onde tenía las de tul contornu y dijo-y ...

-Estas son las tuyas Julián. 

Y mio güelu dijo que no, que aquel no era elli, entos el fotógrafo poniose a buscar entre toas las que tenía, y nada, que las de güelín no apaecían.

Después de regolver la tienda entera, que resulta que si, que eran las que Guijarro dicía y mio güelu como habría salidu que no se reconocía, porque esa era otra, que salieras como salieras... te jodías y tirabas per aquella foto los diez años que duraba el carné.

Mio güelu no sé lo que-y diría a Guijarro, pero nada güenu, jeje, y enfadose y Guijarro enfadose más y por no llama-y feu al mio güelín, por llamáilo de una manera fina dijo elli....

-¡¡¡OIGA, LA MÁQUINA SACA LO QUE VE!!!

Vaya tiempos, rapacinos, que esto no é ciencia ficción, que esto era asina.

Yo acuérdome que un día vieno Guijarro aqui per Rusecu, con su gabardina marrón y cámara en ristre y diz que vien a sacar fotos de carné al que quiera, porque acercávase el tiempu de renovalos y de jacelos nuevos, y yo era una mogotuca, no tenía carné tovía y tenía que dir a sacar el primer carné y dijo mio madre...

- Vete a lavar la cara, peinate y ponte curiosa y que ti saque las fotos Guijarro que asi ajorramos de bajar a Posada otru día.

Y así joi, fui con el fotógrafo a sacalas perellí ajuera y tevo que buscar una paréa blanca pa que jaciera de fondu y con el fondu de la fachada de casa Pilar, jézomi las fotos pal primer carné.

Yo tenía 13 años y tovía lu conservo, con la paréa de casa Pilar detrás, jejeje.