Desd’el pueblín cereceru…
Teníamos tantas ganas de que llegara la fiesta, que ya pasó.
La cena del viernes ena plaza’l Bolugu, estevo muy bien, eso si, como ya vos vaticiné, sobró comida hasta el martes, y es qu’estos hombres no miden, ponense a cocinar y güelvense tochos. Jaciérennos de tou, que si empanadas, que si boronas preñadas, que si tortillas, tartas… estaba tou muy güenu y a ver si en siguientes crónicas vos voy poniendo las recetas de las tartas que nos jacen tan ricas, que hay xente que siempre mi diz que ponga recetas y un dia por otru…
La sobremesa, ya sabés, amenizada por “ el Rilu” y más tarde por el DJ, que mantuvo a la mocedá hasta altas horas de la madrugada.
A otru día, el sábado, cuando despertamos vimos que orbayaba, pero buenu, eso no nos quitó de jacer toas las cosas igual, nunca cuatro gotas d’agua quitaren la ilusión. Los paisanos, como ya vos cunté ena anterior crónica, andaban azotaos per casa, acabando de cocinar, fregando la basa del desayunu, llimpiando los cristales pa que cuando pase la procesión no tengan que dicir, dándoyos cepillu a los zapatos de los guajes, a los de la muyer, a los suyos propios, planchando el mantel del ajuar que solu se saca pa estas ocasiones… en fin, que andaban los probes a tou lo que daban. Y asi andaban tamién las aldeanas, que si ponmi el refaju, que si apreta la solitaria, que si repícami el pañuelu… pero a las doce y media en puntu, estaban toas juntu con los porruanos, en Llusetu como clavos, delante de casa de Luis y Merce dispuestos a salir.
A golpe de tambor, gaita y pandereta, a la voz de “levanten mozos el ramu”, subieren hasta la capilla y salió San Antoniu en procesión pa después oir la misa.
Tengo que dicir, que a pesar del orbayu, hebo mucha xente pe la mañana y eso siempre es de agradecer.
Pe la tardi subastose el ramu y comprárenlu los mismos que lu habían ofrecidu. Garrárenlu los porruanos y mientras las aldenas cantaban, llevárenlu otra vez hasta el Llusetu. Entre todos formaban un grupín muy guapu y hay que resaltar a los más chicos, los dos porruaninos, Pelayo y Gonzalo, y las aldeaninas que con lo chicas que son lo hacían genial y eran: Yaiza, Lucía la de Monse, Lucía la de Samuel, Andrea, Ana, Laura, Noa y Claudia. Paecían muñecas.
En fin, que tou lo referente al ramu, muy bien.
La fiesta, pe la noche, muy animada, sobre tou el baile de l’escoba, que no era nada de lo que yo vos dicía, ni había que barrer la plaza, ni había que dar escobazos a los de al lau, ni nada que se paeza. Era que había que bailar con la escoba ena mano y dir pasándola a la pareja que tuvieras al lau, cuando la orquesta paraba de tocar, el que trayera l’escoba ena mano… quedaba descalificau, fuera de concursu.
Estuvo muy emocionante y muy riñidu. Dicía el de l’orquesta, que nada de tirase con la escoba al focicu, pero pocu faltaba, na más que yo la posaban ena mano…¡ras! Al siguiente. Al final las cosas quedaren asina:
Las terceras quedaren Maite y María Eugenia. Los segundos David y Olivia, y el primer premiu se fue pa Lledies y Llanes, pa Sofía y Victor, que mordían el trofeu igual que Nadal.
Todos llevaren premios de artilugios pa la cocina, que nunca sobran y quedaren muy animaos pa presentase al concursu del añu que vien, pámique van a ensayar toas las semanas ahí en Suqueru.
Y al final de fiesta, lo de siempre, la tradicional chocolatada con corbatas pa dise pa la cama con el cuerpu entonau, que por ciertu, estaba güenísimu.
En nombre de la comisión, munchísimas gracias a todos los que nos viniestes a acompañar en esti día. Vos iré poniendo fotos y si querés ver más cosas, podés entrar ena página del Facebook de “Quelylladas”. Y a ver si mejora el tiempu mio jiyos, que en vez de que va ser San Juan, paez que va ser el Rosariu, yo tevi qu’echar otra manta ena cama ¿Cuándo se vio?
Sede güenos con una migallina de maldá.
0 comentarios:
Publicar un comentario